staðgöngumæðrun.
Frú forseti. Ég fagna þessari fyrirspurn hv. þm. Ragnheiðar Elínar Árnadóttur og þakka hæstv. ráðherra fyrir svör hennar.
Mig langar einfaldlega að leggja orð í belg og spyrja: Hefur ráðuneytið hugmynd um þann fjölda einstaklinga sem farið hefur utan til þess að fara þessa leið?
Í öðru lagi. Þegar hæstv. ráðherra talar um að það þurfi upplýsta umræðu í samfélaginu, hvernig sér hún þá upplýstu umræðu fara fram? Er það á þeirri ráðstefnu sem hæstv. ráðherra kynnti?
Og að lokum, hvaða rök telur hæstv. ráðherra að muni vega þyngst: siðfræðileg, lögfræðileg eða læknisfræðileg rök þegar kemur að ákvarðanatöku eftir upplýsta umræðu í samfélaginu?