ríkisábyrgð á lántöku Tryggingarsjóðs innstæðueigenda og fjárfesta.
Frú forseti. Ég vil þakka forseta fyrir að upplýsa mig um viðveru hæstv. ráðherra. Þá ætti að vera auðsótt mál að fá ráðherrana hingað vegna þess að það sannaðist í gær í ræðu minni að það var ekki nóg að hafa hæstv. ráðherra í húsinu. Þegar maður ætlar að eiga skoðanaskipti við fólk og spyr mikilvægra spurninga — ég spurði spurninga í gær um fundargerðir sem vantar í gögn málsins og kallaði eftir þessum upplýsingum — er ekki nóg að hafa hæstv. ráðherra í húsinu.
Svo er annað og ég veit ekki hvort það heyrir undir fundarstjórn forseta en það er verið að boða fund í Þingvallanefnd sem í eiga sæti eingöngu þingmenn. Þessi fundur er boðaður núna kl. 14.30 þrátt fyrir áköf mótmæli okkar stjórnarandstæðinga. Bæði framsóknarþingmennirnir og sjálfstæðisþingmennirnir í þeirri nefnd eiga ómögulegt með að mæta á þessum tíma en þrátt fyrir áköf mótmæli (Forseti hringir.) heldur formaður nefndarinnar sig fast við þennan fundartíma. Þetta er öll lýðræðisástin sem við verðum vitni að hér.