skýrsla þingmannanefndar til að fjalla um skýrslu rannsóknarnefndar Alþingis.

Virðulegi forseti. Hér er á ferð um margt merkileg þingsályktunartillaga en hér ályktar Alþingi að taka verði gagnrýni á íslenska stjórnmálamenningu alvarlega og leggur áherslu á að af henni verði dreginn lærdómur. Hér er Alþingi að álykta að skýrsla rannsóknarnefndar Alþingis sé áfellisdómur yfir stjórnvöldum, stjórnmálamönnum, stjórnsýslu, verklagi og skorti á formfestu. Það er mikilvægt að um þessa tillögu sé sátt og hún verði grundvöllur að betri stjórnmálamenningu á Íslandi.