þingsköp Alþingis.

Frú forseti. Það kann vel að vera að þetta hefði slík áhrif ef af yrði en ég tel engu að síður vert að skoða hvort ekki eigi að setja hámark á alla umræðu. Það mega alveg vera þrjár vikur eða sex vikur eða hvað það nú er í klukkustundum í ræðustól á Alþingi.

Ég tel að slík hneisa sem varð hér fyrir síðustu kosningar þegar komið var í veg fyrir vel undirbúnar ígrundaðar breytingar og nauðsynlegar og brýnar á stjórnarskrá Íslands megi ekki gerast aftur. Hv. þingmaður nefndi hér Kató yngri sem hafði mikil áhrif á samtíma sinn og gerir kannski enn í dag ef marka má hennar orð. Í takt við þann mæta mann vil ég segja hér að auk þess legg ég til að með tilliti til lýðheilsusjónarmiða verði Áfengis- og tóbaksverslun ríkisins flutt frá fjármálaráðuneyti til (Forseti hringir.) heilbrigðisráðuneytis. [Hlátur í þingsal.]