139. löggjafarþing — 7. fundur, 7. okt. 2010.
staða Hæstaréttar Íslands í ljósi málaferla fyrir landsdómi.
Virðulegi forseti. Mér heyrist á orðum hæstv. dómsmálaráðherra að framkvæmdarvaldið hafi sett í gang þá athugun sem þarf að gera á áhrifum þess að landsdómur verður kallaður saman. Mér sýnist það vera í góðum höndum og hef út af fyrir sig ekki neinu við það að bæta nema kannski því að ég hefði talið eðlilegra að þetta mál hefði verið tekið fyrir í fyrirspurn til ráðherra en ekki í umræðum utan dagskrár.