samningar um ábyrgð á endurgreiðslu Tryggingarsjóðs innstæðueigenda til breska og hollenska ríkisins.
Hæstv. forseti. Út af þessu síðasta sem hv. þingmaður vísaði til má sennilega halda því fram að af milljarðinum mundu 700 milljónir renna aftur til ríkisins í formi beinna og óbeinna skatta þannig að ríkið sér nú um sig að þessu leyti (Gripið fram í.) eins og menn þekkja. (Gripið fram í.)
Hin hliðin á þessu er svo gjaldmiðlamálin, þá þarf að fá peninga að utan, það þarf að skipta íslenskum krónum í erlenda gjaldmiðla til að standa skil á þeim greiðslum sem gert er ráð fyrir í þessum samningi. Ef um háar upphæðir verður að ræða hefur þetta áhrif á stöðu gjaldmiðilsins, ég held að það geti enginn velkst í vafa um það. Þarna liggja ákveðnir áhættuþættir sem (Forseti hringir.) enginn okkar getur kannski sagt til um með vissu hvernig muni þróast.