framkvæmd þjónustusamnings við Menntaskólann Hraðbraut.
Frú forseti. Ég kveð mér hljóðs undir liðnum um fundarstjórn forseta í framhaldi af þeirri ótrúlegu uppákomu sem varð hér áðan þegar þingmaður kom í ræðustól með persónulega árás á mig, brá gjörsamlega út af umræðuefni fundarins og fór með dylgjur og brigsl. Það er kveðið á um það í 78. gr. þingskapalaga hvernig eigi að bregðast við þegar svona gerist. Af því tilefni óska ég eftir því að forsætisnefnd fari yfir ummæli þingmannsins og þessa uppákomu og bregðist við í samræmi við tilefnið.