innstæðutryggingar og tryggingakerfi fyrir fjárfesta.
Virðulegi forseti. Fyrir hönd meiri hluta viðskiptanefndar mæli ég fyrir frumvarpi til laga um breytingu á lögum um innstæðutryggingar og tryggingakerfi fyrir fjárfesta.
Við lögin bætist nýtt ákvæði til bráðabirgða um að greiðsla gjalds til sjóðsins sem inna á af hendi eigi síðar en 1. mars ár hvert skuli á árinu 2011 greiða eigi síðar en 1. júní 2011.
Með frumvarpi þessu er lagt til að greiðslu gjaldsins verði frestað um þrjá mánuði á árinu 2011, eða til 1. júní 2011. Verði frumvarpið að lögum munu fjármálafyrirtæki því ekki þurfa að greiða gjaldið fyrir þann tíma sem gildandi lög kveða á um. Ástæða frestunarinnar er sú að viðskiptanefnd hefur til meðferðar frumvarp efnahags- og viðskiptaráðherra til nýrra heildarlaga um innstæðutryggingar og tryggingakerfi fyrir fjárfesta, en það hefur ekki verið afgreitt frá nefndinni.