Stjórnarráð Íslands.

Virðulegi forseti. Já, ég tel rétt að við ræðum þetta mál, enda var einhver harðasta gagnrýnin sem kom fram í skýrslu rannsóknarnefndar Alþingis á Stjórnarráðið og hér er verið að taka á þeim álitaefnum sem hún vakti athygli á.

Hvað varðar fyrri staðhæfingu þingmannsins langar mig að segja þetta: Ef hún telur að skýrara hæfnismat á ráðningar í Stjórnarráðinu og faglegri ráðningar og að skilið sé betur á milli pólitískra ráðninga og annarra ráðninga sé kratavæðing er ég mjög ánægður með kratana mína.