stjórn fiskveiða.
Virðulegi forseti. Ég á kannski eitthvað ólært um stefnu Framsóknarflokksins en ég held þó að ljóst sé, eins og hv. þingmaður staðfesti reyndar í máli sínu, að mikill samhljómur er í nýrri stefnu Framsóknarflokksins við þann grunntón sem sleginn er í þessu frumvarpi og full ástæða til að vinna það mál vel í nefnd og gott að heyra að hv. þingmaður vill ekki standa í vegi þess að málið fari sem fyrst til nefndar. Í nefndarvinnunni þarf auðvitað að fara yfir málið í heild og sníða af því agnúa.
Einnig er ljóst að ég mundi almennt vilja sjá meiri áherslu á að þjóðin fengi í heild afrakstur auðlindarinnar og tel það mikilvægan þátt. Allt eru þetta hlutir sem hægt er að vinna í nefnd en þangað verður málið að komast.