139. löggjafarþing — 139. fundur, 1. júní 2011.
stjórn fiskveiða.
826. mál
Herra forseti. Ég get tekið undir margt af því sem hv. þingmaður segir. Mér heyrist þau atriði sem hann gagnrýnir í því frumvarpi sem hér liggur fyrir vera í samræmi við þau sem ég og fleiri höfum gagnrýnt. Ég vek athygli á því að þeir þættir sem hv. þingmaður gagnrýnir eru veigamiklir þættir í því frumvarpi sem um ræðir og því liggur nærri að spyrja hv. þm. Sigmund Erni Rúnarsson hvort frumvarpið í þeim búningi sem það er sé þess eðlis að hann geti hugsað sér að styðja það.