140. löggjafarþing — 20. fundur, 10. nóv. 2011.
fjáraukalög 2011.
97. mál
Frú forseti. Ég vona að þetta andsvar hv. þingmanns sé ekki vísbending um að hann hafi efasemdir um að þær upplýsingar sem berist nefndinni verði aðrar en í anda þess sem lögin gera ráð fyrir. Það er gott að heyra að svo er ekki, en það er ljóst að þessi tillaga kom mjög seint inn í fjárlaganefnd og til að geta greitt fyrir málinu þótti okkur nauðsynlegt að við fengjum ítarlega kynningu á því áður en til skuldbindingarinnar yrði stofnað.