lög og reglur um erlendar fjárfestingar.
Hæstv. forseti. Ég hef gert grein fyrir sjónarmiðum mínum. Hæstv. iðnaðarráðherra hefur gert grein fyrir sjónarmiðum sínum. Þar er ekkert óuppgert. Það er staðreynd að mér hefur verið legið á hálsi fyrir að hafa ekki sem skyldi leiðbeint kínversku fasteignafyrirtæki sem kennt hefur verið við aðaleigandann Huang Nubo nægilega vel í gegnum frumskóg íslenskra laga og reglugerða svo að hann mætti ná fram markmiðum sínum. Ég hef lagt áherslu á að í innanríkisráðuneytinu tökum við lögum samkvæmt við umsóknum frá þessum aðila sem öðrum um undanþágu frá íslenskum lögum sem kveða á um bann við fasteignasölu og fasteignakaupum til aðila utan evrópska efnahagssvæðisins. Það er okkar hlutverk, ekki samningaviðræður við þá sem hafa áhuga á að fjárfesta hér í ferðamannaiðnaði, hótelrekstri eða öðru slíku.