afturköllun ákæru á hendur Geir H. Haarde, fyrrv. forsætisráðherra.

Virðulegur forseti. Enn og aftur bestu þakkir fyrir að vekja athygli á minni ágætu bloggsíðu. Næst þegar einhver hv. þingmaður Sjálfstæðisflokksins kemur upp í andsvar hvet ég hann til að nefna slóðina í leiðinni þannig að ekki fari á milli mála fyrir þá sem kunna að vera að hlusta og horfa á þessa ágætu útsendingu hvert þeir eigi að leita eftir síðunni ágætu.

Ég tók ekki eftir spurningu í andsvari hv. þm. Birgis Ármannssonar, það hefur þá farið fram hjá mér ef hann hefur beint einhverri spurningu til mín en hann gerir það þá í síðara andsvari.