141. löggjafarþing — 18. fundur, 11. okt. 2012.
Ríkisútvarpið, fjölmiðill í almannaþágu.
194. mál
Virðulegi forseti. Ég vil aðeins benda á að meiri hluti hv. allsherjar- og menntamálanefndar gerði þessa breytingu á stöðu fulltrúa starfsmanna í stjórn, þ.e. að hann væri án atkvæðisréttar en með málfrelsi og tillögurétt, þannig að ég tel að nefndarmenn hafi skoðað þetta mál og munu væntanlega gera það á nýjan leik eftir þessa umræðu.