samstarf innan ríkisstjórnarinnar.
Hæstv. forseti. Stjórnarsáttmálinn talar bara sínu máli um það hvernig stjórnarflokkarnir gengu frá aðildarferlinu að Evrópusambandinu þegar þeir hófu þetta samstarf. Það er ekkert meira um það að segja. (Gripið fram í: Er þetta rétt ?) Það er það sem liggur fyrir og það er það sem skiptir máli.
Auðvitað er ljóst að ef tillagan í utanríkismálanefnd, þar sem einn stjórnarliði myndaði meiri hluta með stjórnarandstöðunni um að stöðva þetta ferli, hefði náð fram að ganga hefði þessu samstarfi verið sjálfhætt. Það hefur alltaf legið fyrir og á ekki að vera nein ný frétt fyrir hv. þingmenn. Þá hefði verið brotinn stjórnarsáttmálinn sem kvað á um að þessu ferli skyldi ljúka með samningum og þjóðaratkvæðagreiðslu. Það liggur alveg í augum uppi að þá hefði verið sjálfhætt.