stjórnarskipunarlög.
Frú forseti. Ég vísa til þess sem ég sagði í ræðu minni um lagamál og mannamál. Aðalatriðið er að stjórnarskráin sé gagnorð og skýr og skiljanleg þjóðinni, bæði í því hvernig á að skilja einstök ákvæði og einstakar málsgreinar og orð.
Ég sagði að málið væri unnið í hraðsuðu og ég færði rök að því. Sterkustu rökin í þeirri gagnrýni minni er að finna í aðkomu umboðsmanns Alþingis sem skilaði ítarlegri greinargerð á undraskömmum tíma, fékk eftir einhvern tíma að koma á fund nefndarinnar, einn fund, en úr þeim athugasemdum hefur ekki verið unnið.
Virtur fræðimaður sagði í mín eyru: Til hvers er ég að koma á fundi, til hvers er ég að skila umsögnum ef ekkert mark er tekið á þeim?