141. löggjafarþing — 110. fundur, 25. mars 2013.
velferð dýra.
283. mál
Forseti. Það eru náttúrlega gildandi lög um velferð dýra á Íslandi og þau eru ágæt, að minnsta kosti þegar þau voru sett. Þar eru þessi markmið alveg skýr. Engu að síður hafa ráðherrar í gegnum tíðina sett reglugerðir sem í raun og veru eru andstæðar þeim markmiðum og þeim ströngu eða mannúðlegu sjónarmiðum sem koma fram í núgildandi lögum. Ég tel því að full þörf sé á þessu.