skýrsla rannsóknarnefndar Alþingis um Íbúðalánasjóð o.fl.

Hæstv. forseti. Ég sagði ekki annaðhvort eða hvað varðar Íbúðalánasjóð annars vegar og bankana hins vegar. Ég sagði bara annaðhvort og þetta annaðhvort hjá mér voru bankarnir og fjármálastofnanir sem fóru út í það að lána fólki 100% óháð því hvert fjármagnið ætti að renna. Það var það sem gerðist. En að gera því skóna að pólitísk ákvörðun hér á þinginu um að fara í 90% lán, sem voru örfá og auk þess með þaki upp á 15,4 milljónir, hafi verið þensluvaldurinn og sett íslenskt hagkerfi og efnahagskerfi og fjármálakerfi á hliðina er að mínu mati algerlega út í hött. Mér finnst það vera gagnrýnivert í skýrslunni á hvern hátt rannsakendur draga taum bankanna hvað þetta varðar þegar vísað er aftur til átaka þessara ára.

Varðandi Íbúðalánasjóðinn og leiðréttingar minni ég hv. þingmann á að við vorum samherjar á síðasta kjörtímabili þegar við vildum fara út í (Forseti hringir.) niðurfellingu og lækkun hjá því fólki sem fékk lán hjá Íbúðalánasjóði. Þarna erum við samherjar.