fjárlög 2015.
Virðulegi forseti. Hér greiðum við atkvæði um breytingartillögu um fjárveitingu til að gera flutning Fiskistofu til Akureyrar mögulegan. Þessa fjárheimild er ómögulegt að styðja enda er hér verið að byrja á aftasta endanum í þessu máli. Ríkisstjórnin er þegar komin í vandræði með boðaðan flutning á Fiskistofu sem er í fullkomnu uppnámi. Starfsmenn samþykkja verkefnið ekki. Fyrir liggur að umboðsmaður Alþingis hefur hafið rannsókn á valdníðslu ráðherrans með því að taka ákvörðunina án þess að hafa til þess lagaheimild. Og það að láta sér detta í hug að leggja hér til á sama tíma fjárlagaheimild til flutnings sem er fullkomlega löglaus eins og mál standa og í fullkomnu faglegu uppnámi er fráleitt.