áætlun um vernd og orkunýtingu landsvæða.
Herra forseti. Mig langar aðeins að koma inn á álit eða greinargerð verkefnisstjórnar rammaáætlunar frá því síðastliðið vor. Þar kemur fram varðandi samfélagsáhrifin að þau séu ekki tekin með í þeirri breytu. Verkefnisstjórn tekur undir að ekki sé nógu gott að þau hafi ekki vægi í málinu þegar verið sé að vega og meta hvað fari í vernd og hvað í nýtingu. Verkefnisstjórnin bendir á að við mat á umhverfisáhrifum framkvæmda sé eðlilegt að lagt sé nánara mat á samfélagsáhrif og að samfélagið sé hluti af því ferli. Mig langar að heyra viðhorf hv. þingmanns gagnvart því að það sé tekið inn í endurskoðun á hinu faglega ferli að vigta samfélagsáhrifin betur inn í það allt.