áætlun um vernd og orkunýtingu landsvæða.
Forseti. Hv. þingmaður nefndi líka að kannski væri réttast að fara með ákvarðanir af þessu tagi, sem eru miklar fyrir náttúruna og að mestu leyti óafturkræfar, í þjóðaratkvæðagreiðslu. Það má alveg hugsa sér það, því að það er líka í þeim þætti sem hugmyndir okkar hafa breyst svolítið. En er það ekki einmitt vandinn, og þess vegna þarf að fara í þjóðaratkvæðagreiðslu, að meiri hlutinn veður yfir minni hlutann í þinginu, leyfir ekki umræðu? Meiri hlutinn kemur inn með mál óundirbúin og segir: Þetta er nógu gott í kjaftinn á ykkur. Og við eigum bara að samþykkja.
Við erum í vandræðum út af þessu líka. Við þurfum meira beint lýðræði vegna þess að (Forseti hringir.) meiri hlutinn hér á það til að vaða yfir minni hlutann.