búvörulög o.fl.
Virðulegi forseti. Við skulum bara vera ósammála um það, ég og hv. þingmaður, að þetta séu einhvers konar útflutningsbætur. Það er hins vegar rétt að verið er að breyta fyrirkomulaginu á því hvernig þessar bætur eru veittar. Á sama tíma er hins vegar verið að koma með nýjar greiðslur inn, t.d. býlisstuðning, stuðning við land o.s.frv.
Við getum hvor haft sína skoðunina á því hvað þetta þýðir í raun. En ég lít ekki svo á að verið sé að styðja það sérstaklega eða hvetja til þess að menn fái einhvers konar bætur fyrir útflutning með þessari aðferð.