fjáraukalög 2016.

Virðulegi forseti. Hér erum við að greiða atkvæði um fjáraukalagafrumvarpið sem er í sjálfu sér partur af samkomulagi sem gert hefur verið á milli allra sjö stjórnmálaflokkanna á þingi. Það er afrek út af fyrir sig að það hafi náðst á milli jafn ólíkra stjórnmálaafla og hér sitja.

Ég þakka nefndarmönnum samstarfið um þessa vinnu í nefndinni. Við Vinstri græn greiðum að sjálfsögðu atkvæði með breytingartillögunum en sitjum svo hjá við fjáraukalagafrumvarpið því að þetta er auðvitað breyting á því frumvarpi sem ríkisstjórn Framsóknarflokks og Sjálfstæðisflokks lagði fram fyrr á árinu.