nám í myndlist fyrir fólk með þroskahömlun.

Hæstv. forseti. Ég þakka ráðherra svarið. Þetta segir okkur kannski eitthvað um það hver staða skólanna er, fjárveitinga til þeirra, að eitthvað vanti þarna upp á. Því í þessu samhengi er óhjákvæmilegt að benda á að í samningi Sameinuðu þjóðanna um réttindi fatlaðs fólks, sem við fullgiltum hér síðastliðið haust og skuldbundum okkur til að virða og framfylgja, er mikil áhersla lögð á skyldur stjórnvalda til að tryggja fötluðu fólki jöfn tækifæri á við aðra. Það er sérstaklega tiltekið að það skuli í því skyni vera viðeigandi ráðstafanir til að tryggja fötluðu fólki tækifæri til menntunar og þátttöku í menningarlífi. Því vil ég spyrja ráðherra: Ber okkur ekki skylda til að uppfylla þetta og fylgja þessu eftir?