varnir gegn snjóflóðum og skriðuföllum.

Hæstv. forseti. og hv. þm. Ari Trausti Guðmundsson. Það er allt rétt sem hér hefur komið fram. Þetta mál hefur verið í bígerð alllengi. Ég held að ég vindi mér beint í að reyna að svara þeim spurningum sem hv. þingmaður bar fram til ráðherrans.

Frumvarpið hefur verið alllengi í vinnslu í ráðuneytinu. Það strandar að einhverju leyti á því hvort þarna megi marka tekjustofna inn í sérstakan sjóð. Það er verið að ræða það í kerfinu. Það er nú ástæðan fyrir þessu. En ef niðurstaða kemst í það mál tel ég að ekki ætti að taka langan tíma að koma þessu á. Ég held að ég geti ekki svarað þessu miklu betur en svona.