mál frá ríkisstjórninni.
Herra forseti. Þessi seinagangur ríkisstjórnarinnar er sérstaklega vandræðalegur vegna þess að hér héldu þingmenn Vinstri grænna uppi umræðum um fundarstjórn forseta allt síðasta ár og náðu ekki upp í nef sér fyrir verkleysi þeirrar ríkisstjórnar. Samt kom sú ríkisstjórn, samkvæmt hv. þm. Þorsteini Víglundssyni, fram með helmingi fleiri mál á sama tíma en þessi hefur gert. Ástandið er sérstaklega alvarlegt vegna þess að þetta þing verður gloppótt. Það er slitið í sundur með páskum og svo sveitarstjórnarkosningum. Enn þá vandræðalegra er að hér stóð hæstv. heilbrigðisráðherra við stefnuræðu forsætisráðherra og talaði um að verið væri að bjarga menntakerfinu, heilbrigðiskerfinu og samgöngukerfinu í landinu. Þetta stefnir í að verða seinvirkasti og óskilvirkasti björgunarleiðangur veraldarsögunnar. [Hlátur í þingsal.]