afgreiðsla þingmannamála úr nefndum.
Herra forseti. Ég kem hingað upp til að taka undir með hv. þingmönnum sem hér hafa komið og viðurkenna að ég varð fyrir verulegum vonbrigðum með framferði fulltrúa meiri hlutans á nefndarfundi í morgun í velferðarnefnd þar sem ég var varamaður. Þar var gripið til ansi langsóttra raka til að koma í veg fyrir að fjöldi þingmannamála yrði afgreiddur úr nefndinni, vitandi að umræðu um þau er í raun og veru lokið og ekkert sem stóð í vegi fyrir því að þau yrðu afgreidd. Satt best að segja, herra forseti, vantaði bara að einhver segði: Ég á þetta, ég má þetta.
Herra forseti. Þetta er ekki í samræmi við góð fyrirheit í stjórnarsáttmála.