stuðningur við útgáfu bóka á íslensku.
Virðulegi forseti. Um er að ræða tímamótaaðgerðir til stuðnings við íslenskuna og íslenskar bækur. Þessi aðgerð mun styrkja stoðir bókmennta í landinu með því að 25% af kostnaði verði endurgreidd við bókaútgáfu. Þessi aðgerð er algjört nýmæli og ég er sannfærð um að hún muni marka þáttaskil. Hún er liður í heildstæðri nálgun til þess að snúa vörn í sókn fyrir íslenskuna.
Ég þakka nefndinni fyrir vel unnin störf og sérstaklega samstarf tveggja ráðuneyta, fjármála- og efnahagsráðuneytisins og mennta- og menningarmálaráðuneytisins, og líka hversu breið samstaða er um þessa aðgerð. Ég er sannfærð um að hún muni bara leiða til góðs fyrir bækur og fólkið í landinu.