fjáraukalög 2018.
Herra forseti. Hér segja menn og hafa greitt um það atkvæði að þeir ætli ekki að nýta þennan glugga til að rétta við þá stöðu sem var ófyrirséð, bæði á Suðurnesjum og á Suðurlandi, en segja um leið að þeir ætli að vinna voða mikið í fjárlaganefnd og með framkvæmdarvaldinu að því að laga stöðuna.
Hér í þessum sal tökum við ákvarðanir um fjárveitingar í fjárlögum og fjáraukalögum en ekki í einhverju spjalli við heilbrigðisráðherra eða fjármálaráðherra. Stjórnarmeirihlutinn segir því: Við ætlum ekki að taka á þessum vanda á árinu 2019 en kannski gerum við það árið 2020. Það fer eftir því hvernig spjallið fer í nefndinni og við framkvæmdarvaldið.
Það eru ekki góð vinnubrögð. (Gripið fram í: Heyr, heyr.)