ákvörðun sameiginlegu EES-nefndarinnar, nr. 93/2017, um breytingu á IV. viðauka (Orka) við EES-samninginn.
Frú forseti. Ég þakka hv. þingmanni fyrir að hafa lagt fram þessa tímabæru fyrirspurn. Við skulum hafa í huga að sú framleiðsla sem fram fer hér á landi er að öllu jöfnu margfalt umhverfisvænni en ef sams konar framleiðsla færi fram í öðrum löndum. Engu að síður hafa Vinstri grænir goldið mjög varhuga við aukinni orkuöflun á Íslandi. En það er ekki bara það, það er ekki bara þetta með umhverfishliðina, heldur einnig það sem hv. þingmaður kom inn á í ræðu sinni varðandi markaðsvæðingu orkunnar.
Með öðrum orðum, frú forseti, það er eins og að með stuðningi sínum við þetta mál sé Vinstrihreyfingin – grænt framboð að ná fullu húsi í því að vera í andstöðu við rætur eigin flokks og grundvallarstefnu, hvort sem litið er til vinstri hliðarinnar eða grænu hliðarinnar.
