149. löggjafarþing — 132. fundur, 2. sept. 2019.
ákvörðun sameiginlegu EES-nefndarinnar, nr. 93/2017, um breytingu á IV. viðauka (Orka) við EES-samninginn.
777. mál
Virðulegi forseti. Það hefur alltaf legið fyrir að ég mun aldrei styðja neitt það skref sem getur haft minnstu áhrif á sjálfsákvörðunarrétt okkar Íslendinga yfir auðlindum þjóðarinnar. Baráttan fyrir fullveldi og eigin ákvörðunarrétti var löng og ströng og það er mér ofarlega í huga.
Með leyfi forseta:
Ó, Ísland, fagra ættarbyggð,
um eilífð sé þín gæfa tryggð,
öll grimmd frá þinni ströndu styggð
og stöðugt allt þitt ráð.
Hver dagur liti dáð á ný,
hver draumur rætist verkum í
svo verði Íslands ástkær byggð
ei öðrum þjóðum háð.
Svo aldrei framar Íslands byggð
sé öðrum þjóðum háð.
Hér ætti að draga strik í sandinn í þessu máli. Áhættan er ekki þess virði. Ég mun aldrei taka áhættu fyrir Ísland. Ég segi nei þriðja orkupakkanum og tengdum málum. [Lófaklapp á þingpöllum.]
