sérstakt tímabundið fjárfestingarátak.

Virðulegi forseti. Það er væntanlega hugsað þannig, ef ég skil spurninguna rétt, að ónýttar fjárheimildir geti að einhverju marki fengist fluttar áfram ef verkefninu hefur ekki verið lokið. Í mörgum tilvikum erum við að ræða um verkefni sem munu þurfa að halda áfram. Við gerum beinlínis ráð fyrir að þau verði fjármögnuð í næstu fjármálaáætlun og komi inn í næstu fjárlög. Sum verkefnanna sem við erum að setja af stað með þessu átaki eru kannski tveggja, þriggja ára verkefni þannig að þau munu þurfa fjármagn á komandi árum.

Við höfum ekki fengið lista frá Vegagerðinni og spurt: Hversu miklu fé getið þið varið á þessu ári? og samþykkt það allt. Samt var farið yfir það sem væri sérstaklega mannaflsfrekt og væri raunhæft að ráðast í á þessu ári. Arðsemi skiptir líka máli. Það er það sem við vorum helst að leita að.