fimm ára samgönguáætlun 2020-2024.
Virðulegur forseti. Ég þakka hv. þm. Líneik Önnu Sævarsdóttur fyrir andsvarið. Vissulega er á þetta drepið í samgönguáætlun enda væri annaðhvort. Verið er að ýta undir að flugvélakostur sé endurnýjaður og að menn kaupi sparneytnari vélar en framsæknin er ekki ýkja mikil. Hvergi er minnst á að við þurfum að eignast okkar eigin flota á því sviði. Margt má auðvitað segja fleira en ég tel að áætlunin ætti að vera mun afdráttarlausari í ljósi þeirra aðstæðna sem við búum nú við. Ég bendi á að við eigum enga sögu um tilraunir með nýjar flugvélar með nýjum eldsneytismöguleikum.
Það var önnur spurning sem ég man nú ekki alveg hver var.