fjáraukalög 2020.

Virðulegur forseti. Ég þakka hv. þingmanni fyrir svarið. Ég vísaði bara beint í hennar eigin orð áðan en hún talaði í framsöguræðu sinni um mikilvægi þess að hér ríkti gagnkvæmur skilningur. En þá skulum við bara snúa okkur að nefndarálitinu sem slíku. Hversu djúpt ristir nefndarálitið ef látið yrði reyna á skilyrðin sem verið er að setja fram í því? Getur hv. þingmaður sýnt mér að þessi skilyrði séu einhvers staðar fest í lög?