samvinnufélög o.fl.

Virðulegur forseti. Ég verð bara að gera athugasemdir við þetta svar hv. þingmanns. Þegar umræðu var frestað hér hinn 7. desember sl., kl. 19.52 var hæstv. forseti Steingrímur J. Sigfússon í pontu. Þegar málinu var frestað segir, með leyfi forseta, orðrétt:

„Umræðu um 7. dagskrármálið er nú frestað og hefur framsögumaður málsins upplýst mig um að heppilegast sé að það sé kallað aftur til nefndarinnar á þessu stigi og verður það þá gert. Umræðunni er frestað og málið gengur aftur til hv. atvinnuveganefndar.“

Svo mörg voru þau orð. Þetta er til á upptöku hér úr þingsalnum. Nú er hv. þingmaður formaður téðrar nefndar og fyrsti flutningsmaður þessa máls og framsögumaður nefndarálits. Svar hv. þingmanns í fyrra andsvari stenst enga skoðun.