opinber stuðningur við nýsköpun.
Herra forseti. Í dag göngum við til atkvæðagreiðslu um áform ferðamála-, iðnaðar- og nýsköpunarráðherra um að leggja niður Nýsköpunarmiðstöð Íslands. Mín afstaða er afar skýr: Besta skrefið til úrbóta er að draga frumvarp ráðherra til baka og hefja endurskoðun á faglegri forsendum í þágu nýsköpunar og með skýrari sýn og stefnu. Við í þingflokki Samfylkingarinnar munum ekki styðja þetta frumvarp og ég skora á stjórnarþingmenn að skoða málið betur og greiða atkvæði í samræmi við samvisku sína.