152. löggjafarþing — 59. fundur, 29. mars 2022.
fjarskipti .
461. mál
Frú forseti. Ég vil taka undir með hv. þm. Gísla Rafni Ólafssyni. Það að hafa góð fjarskipti er gríðarlega mikilvægur innviður. Við höfum öll upplifað á ferðum okkar um landið að detta inn og út úr símasambandi og mig langar því að spyrja hv. þingmann hvaða skoðun hann hafi á fjarskiptakerfum á vegum og í dreifbýli og kannski hvort það lagast eitthvað með þessu frumvarpi.