sorgarleyfi.
Frú forseti. Ég vil þakka hv. þm. Þorbjörgu Sigríði Gunnlaugsdóttur kærlega fyrir andsvarið og fyrir góðar viðtökur við þessu frumvarpi. Ég lít svo á að við séum að hefja vegferð hér. Við erum ekki að enda, við erum að byrja. Ég tek vel í það að við lítum til þess að horfa til einhvers konar svipaðs fyrirkomulags þegar börn missa foreldra sína. Ég er að vonast til þess, eins og ég sagði í framsöguræðu minni, að við klárum þetta mál í vor, ég bind miklar vonir við það. Í kjölfarið á því myndi ég vilja setja greiningarvinnu í gang í ráðuneytinu við að meta hvaða næstu skref væri skynsamlegt að stíga og ég vil þakka hv. þingmanni fyrir innleggið í þá umræðu.