útlendingar.

Virðulegur forseti. Ef rétt reynist að hæstv. félags- og vinnumarkaðsráðherra á ekki heimangengt í dag þá tel ég rétt að forseti fresti frekari umræðu um það mál sem nú er á dagskrá, enda heyrir hluti frumvarpsins undir starfssvið ráðherrans og hægðarleikur að færa frekari umræðu yfir á morgundaginn. Það eru fjölmörg önnur mál á dagskrá þingsins í dag sem hægt er að fjalla um fram á kvöld og ég held að það færi betur á því að hæstv. félags- og vinnumarkaðsráðherra eigi þess kost að vera hér við umræðuna og það er eðlileg krafa. Það er eðlileg krafa af hans hálfu, fyrst hann á ekki heimangengt, að málinu verði frestað fram á morgundaginn.