fjárlög 2023.
Virðulegi forseti. Ég ætla bara að segja að þetta voru bara mjög góð rök hjá hv. þm. Eyjólfi Ármannssyni. Ég er sem sagt laganemi, ég held að það komi fram í hverri einustu viku sem ég sit á þingi, en mér finnst túlkun á stjórnarskránni rosalega mikilvæg og eins meingölluð og núgildandi stjórnarskrá er þá er hún samt í gildi. Þetta er bara punktur sem ég hafði ekki hugsað út í og ætla að einhverju leyti að játa mig sigraða þegar kemur að minni skoðun á því … (Gripið fram í.) — Nei, nei, þegar kemur að minni skoðun á því hvort ríkið ætti að styðja þjóðkirkjuna með framlögum á forsendum núgildandi ákvæða. En það er ekki þar með sagt að þetta eigi að halda svona áfram, að það eigi ekki að láta reyna á þetta ákvæði eða að láta reyna á það að breyta þessu ákvæði. En ég er enn þá á þeirri skoðun og svo er ég líka á þeirri skoðun að ef ríkið ætlar að styðja eitt trúfélag þá beri því að styðja önnur trúfélög líka. (Forseti hringir.) Ég náði ekki að spyrja annarrar spurningar.