breyting á ýmsum lögum vegna fjárlaga 2023.

Virðulegi forseti. Ég þakka hv. 8. þm. Norðvest. aftur fyrir og ég deili með honum áhyggjum af stöðu bænda. Ég vil taka það skýrt fram.

Ég náði ekki á þeim stutta tíma sem okkur er gefinn hér að — hann talar um hringrásarvitleysu. Þetta er nú bara veröldin og sá raunveruleiki sem við búum við og við erum að fikra okkur hér í átt að hringrásarhagkerfi. Þetta er liður … (Gripið fram í.) Þetta er liður í því og liður í þeirri vinnu.

Ég vil sömuleiðis, af því að ég tók hér fram að raunkostnaður í kringum vinnu við förgun á þessari vöru hér á Íslandi er talinn vera um 120 kr. á kílóið. Við getum sent þetta erlendis til endurvinnslu og þá eru það 38 kr. á kílóið. Það er ekki í anda hringrásarhagkerfis eða þeirrar vinnu sem við erum, eins og ég sagði, að fikra okkur í áttina til. (Forseti hringir.) Ég vil ítreka aftur þau orð mín að ég hef trú á því að það verði fundin lausn (Forseti hringir.) til að koma til móts við bændur hvað þetta varðar.