154. löggjafarþing — 40. fundur, 29. nóv. 2023.
viðskiptakerfi ESB með losunarheimildir.
543. mál
Herra forseti. Það hefði verið gaman ef hæstv. ráðherra hefði getað svarað spurningunni um það hversu mikill ríkisstuðningur felst í því að láta flugfélögin fá þetta endurgjaldslaust. Einnig langar mig að spyrja hæstv. ráðherra: Í frumvarpinu er verið að taka í lög tvær tilskipanir, 2023/958 og 2023/959, sem ekki hafa verið teknar upp í EES enn sem komið er. Er það ekki dálítið að hlaupa of hratt að vera að setja inn tilskipanirnar áður en þær hafa verið teknar inn í samninginn?