breyting á ýmsum lögum vegna fjárlaga 2024.
Virðulegi forseti. Það er ekki langt síðan Ríkisendurskoðun setti fram mjög svarta skýrslu um fiskeldið. Þetta eru viðbrögð ríkisstjórnarflokkanna við þeirri svörtu skýrslu þegar fiskeldi þarf einmitt á auknu eftirliti að halda og auknu fjármagni til þess eftirlits. Höfum líka hugfast að sjávarútvegurinn í heild sinni með fiskeldinu er að borga minna í auðlindagjöld en það kostar að sjá um stjórnsýsluna og rannsóknir með þessum mikilvægu atvinnugreinum. Mér finnst það óboðlegt, þingflokki Viðreisnar finnst það óboðlegt. Höfum það líka í huga að oft á þessum tíma er verið að tala um jólagjafir þingsins. Mér finnst þetta vera merki um jólagjöf ríkisstjórnarflokkanna út í samfélagið og jólagjöfin fer í þessa atvinnugrein, að niðurgreiða hana í enn eitt skiptið. Við í Viðreisn greiðum atkvæði gegn þessari tillögu meiri hlutans og minnum á að það er kominn tími til þess að sjávarútvegurinn og fiskeldi greiði eðlilegt og sanngjarnt auðlindagjald til þjóðarinnar. (Gripið fram í: Heyr, heyr.)