útlendingar.
Virðulegi forseti. Ég þakka hv. þingmanni fyrir fyrirspurnina. Þær breytingar sem ráðherra hefur hug á að gera í framhaldinu varða t.d. það að á Norðurlöndunum eru strangari kröfur gerðar til að mynda varðandi rétt til fjölskyldusameiningar. Nú er verið að leggja það til hér í þessu frumvarpi til laga að fólk geti sótt um fjölskyldusameiningu að tveimur árum liðnum en á hinum Norðurlöndunum eru t.d. aðrar kröfur gerðar, eins og hvað varðar kunnáttu í viðkomandi tungumáli í viðkomandi landi, að fólk hafi tekjur, að fólk sé í húsnæði o.s.frv. Þar t.d. liggja þær breytingar sem ég hef hug á að gera í framhaldinu.