athugasemdir varðandi samráð og aðildarviðræður við ESB.

Frú forseti. Ég hvet yður til að taka athugasemdir hv. þm. Diljár Mistar Einarsdóttur alvarlega. Það er ekki nóg með að ríkisstjórnin skuli hafa falið Evrópusambandsbrölt sitt fyrir þjóðinni heldur hefur hún líka leitast við að fela það fyrir Alþingi og þar með brotið lög. Í 24. gr. þingskapa segir, með leyfi forseta:

„Utanríkismálanefnd skal, auk verkefna sem hún hefur skv. 13. gr., vera ríkisstjórninni til ráðuneytis um meiri háttar utanríkismál enda skal ríkisstjórnin ávallt bera fyrir fram undir hana slík mál jafnt á þingtíma sem í þinghléum, nema brýn nauðsyn banni.“

Ég ætlast til þess að hæstv. forseti, sem segist vera forseti okkar allra hér á Alþingi, bregðist við þessum brotum hæstv. utanríkisráðherra og ríkisstjórnarinnar.