athugasemdir varðandi samráð og aðildarviðræður við ESB.

Frú forseti. Hæstv. utanríkisráðherra kemur hér og talar um fegurð og samráð og að fegursta samráðið sé við þjóðina. Ég átta mig ekki alveg á því hvernig fegurðin lítur út í aðdraganda kosninga þegar forystufólk í þessari ríkisstjórn tók hreinlega málið af dagskrá og vildi alls ekki senda út nein önnur skilaboð en þau að þetta væri ekki forgangsmál og myndi bíða þangað til að tökum hefði verið náð á öðrum brýnni málum hérna heima fyrir. Þetta er enn eitt málið þar sem það er að koma í ljós að það er ekkert að marka, ekki neitt, það sem forystufólk þessarar ríkisstjórnar sagði í aðdraganda kosninganna. Það er nú öll fegurðin, hæstv. utanríkisráðherra.