athugasemdir varðandi samráð og aðildarviðræður við ESB.

Virðulegur forseti. Þetta eru um margt fyrirsjáanleg viðbrögð sem við sjáum hér í dag. Hér er einfaldlega um að ræðu tillögu um þjóðaratkvæðagreiðslu á grundvelli ákvæða kosningalaga og áform ríkisstjórnarinnar um að halda þessa atkvæðagreiðslu hafa legið fyrir frá því að stefnuyfirlýsing hennar kom fram þannig að allt tal um leyndarhyggju og leynimakk við einhverja embættismenn í Brussel er algerlega fjarstæðukennd umræða. Þetta hefur legið fyrir frá upphafi og ætti ekki að koma neinum á óvart. Það að tefja málið eitthvað frekar er alger óþarfi. Ég hlakka til að eiga þessa umræðu hér í þingsal í dag. Ég segi: Byrjum bara umræðuna, tökumst á, förum málefnalega yfir það hvort við viljum fá að vita meira eða ekki. Ég hlakka til að taka þetta samtal. En í guðanna bænum, hættum þessu leikriti. Þetta er hjákátlegt.