17.05.1929
Neðri deild: 71. fundur, 41. löggjafarþing.
Sjá dálk 2850 í B-deild Alþingistíðinda. (1720)

122. mál, Menningarsjóður

Frsm. meiri hl. (Ásgeir Ásgeirsson):

Brtt. sú, er jeg hefi leyft mjer að bera fram á þskj. 668, er í samræmi við afstöðu meiri hl. mentmn. við 2. umr. þessa máls og samkvæmt eindreginni ósk Mentamálaráðs Íslands í brjefi til mentmn. hv. Ed., dags. 18. apríl síðastl. Þar segir svo:

„Vill Mentamálaráðið lýsa yfir því, að það telur auðsætt af lögunum um Menningarsjóð í heild sinni, og athugasemdum þeim, sem frv. fylgdu í upphafi, að ákvæði þetta sje komið inn í lögin af vangá og samrýmist ekki 3. gr. laganna, og vill því eindregið mæla með því, að þessu sje kipt í lag“.

Þegar Mentamálaráðið óskar eftir þessari breyt., þá er mjer óskiljanlegt, að hv. deild sjái ástæðu til að hindra, að hún nái fram að ganga.