[prenta uppsett í dálka]
Hægt er að sækja Word Perfect útgáfu af skjalinu, sjá upplýsingar um uppsetningu á Netscape fyrir Word Perfect skjöl.]

Þingskjal 963, 123. löggjafarþing 529. mál: starfsemi kauphalla (yfirtökutilboð o.fl.).
Lög nr. 16 16. mars 1999.

---

Lög um breytingu á lögum nr. 34/1998, um starfsemi kauphalla og skipulegra tilboðsmarkaða.
1. gr.     Í stað orðsins „ECU“ í 1. tölul. 1. mgr. 4. gr. laganna kemur: evrum.

2. gr.     Eftirfarandi breytingar verða á 17. gr. laganna:

a.

4. málsl. 1. mgr. orðast svo: Reglur, sem kauphöll setur um opinbera skráningu verðbréfa, skulu uppfylla ákvæði laga þessara og reglugerðar sem ráðherra setur á grundvelli þeirra.

b.

4. mgr. fellur brott.

3. gr.     Í stað „33¹/₃%“ í 4. tölul. 1. mgr. 19. gr. laganna kemur: 50%.

4. gr.     Við lögin bætist ný grein, 42. gr., svohljóðandi:
     Í reglugerð er ráðherra heimilt að setja nánari reglur um opinbera skráningu verðbréfa og framkvæmd laga þessara.

5. gr.     Lög þessi öðlast þegar gildi.

Samþykkt á Alþingi 3. mars 1999.